"Стратэгічная Анты-Канферэнцыя “Belarusian ID Revival Days” – гэта імпрэза, якая імкнецца стаць штогадовай сустрэчай для асноўных удзельнікаў (прадстаўнікоў беларускай грамадзянскай, акадэмічнай і культурнай супольнасці, палітычных сіл і міжнародных партнёраў), зацікаўленых у забеспячэнні ўмоў для трывалага развіцця беларускай нацыі і яе захавання ў цяжкіх умовах інфармацыйнай вайны, рэпрэсій і татальнай русіфікацыі.
Гэта не проста канферэнцыя, дзе вы слухаеце экспертаў. Гэта антыканферэнцыя, дзе кожны ўдзельнік дзеліцца сваім досведам і ведамі для агульнай карысці. Тут вы зможаце адчуць сябе часткай беларускай нацыі, натхняючыся імпрэзамі і творчай атмасферай.
Аб'яднаць намаганні і скаардынаваць дзеянні ў сферы нацыянальнага адраджэння і развіцця паміж галоўнымі палітычнымі сіламі, арганізацыямі грамадзянскай супольнасці, медыя, бізнесам і экспертамі.
Каб забяспечыць устойлівасць і дасягнуць практычных вынікаў у гэтай працы, мы імкнемся сінхранізаваць прыярытэты і планы Стратэгіі нацыянальнага адраджэння і развіцця АПКБ з задачамі і фарматам дзейнасці іншых палітычных сіл, грамадзянскіх арганізацый, прафесійных і экспертных супольнасцяў, бізнесу і медыя.
Сабраць рэпрэзентатыўны склад прадстаўнікоў розных галін грамадскага жыцця, арыентаваных на пабудову новай дэмакратычнай, незалежнай і еўрапейскай Беларусі.
Абмеркаваць з імі мэты і задачы стратэгіі нацыянальнага адраджэння і развіцця ў розных сферах дзейнасці, атрымаць крытыку і экспертызу нашых дарожных мап і прапановы для супрацы.
Атрымаць новыя ідэі і карэкцыі, што да раней выбраных прыярытэтаў і падыходаў да рэалізацыі стратэгіі нацыянальнага адраджэння і развіцця.
Дамовіцца аб партнёрстве і сінхранізацыі дзейнасці з прадстаўнікамі розных беларускіх арганізацый і груп, а таксама прадстаўнікамі фондаў і бізнес супольнасці.
Cтварыць з зацікаўленымі бакамі каардынацыйныя рабочыя групы па абмеркаванні і распрацоўцы дакументаў і праграм, неабходных для будучай працы.
