Інфармацыйная
палітыка
Стратэгічныя прыярытэты
Дэкаланізацыя і супрацьдзеянне прапагандзе
- аналіз і раскрыццё імперскіх і прапагандысцкіх наратываў, якія фармуюць скажоны вобраз Беларусі і навязваюць антыдэмакратычныя каштоўнасці;
- асвятленне механізмаў інфармацыйных маніпуляцыяў;
- умацаванне крытычнага мыслення і здольнасці беларускага грамадства супрацьстаяць інфармацыйным пагрозам.
Развіццё нацыянальнай медыясферы
- падтрыманне незалежных беларускіх медыяпраектаў, арыентаваных на беларускую і міжнародную аўдыторыю;
- захады для стварэння шматмоўных інфармацыйных прадуктаў (беларуская, англійская, нямецкая ды іншыя мовы) для павышэння бачнасці Беларусі ў свеце;
- спрыянне ўзнікненню інстытутаў прафесійнай экспертызы, крытыкі і медыяацэнкі;
- рыхтаванне дарожнай мапы для рэарганізацыі працы медыяў і вызвалення іх ад ідэалагічнага ціску.
Грамадзянская адукацыя і актыўнасць
- фармаванне культуры «гарызантальнай рэвалюцыі» – удзелу грамадзянаў у прыняцці рашэнняў і развіцці супольнасцяў;
- распрацоўванне і падтрыманне адукацыйных ініцыятываў, якія развіваюць медыяпісьменнасць, дэмакратычныя каштоўнасці і здольнасць да самакіравання;
- стварэнне платформаў для адкрытага абмеркавання і грамадскага дыялогу.
Пазітыўны вобраз Беларусі і беларусаў
- медыйнае прасоўванне «гісторыяў поспеху» звычайных і выбітных беларусаў як прыкладаў нацыянальнай моцы і стойкасці;
- пабудова пазітыўнага іміджу Беларусі на міжнародным узроўні праз культурніцкія, адукацыйныя і інфармацыйныя праекты;
- спрыянне ўзнікнення арыгінальных і якасных медыяпрадуктаў сусветнага ўзроўню.
Беларуская мара і візія будучыні
- фармаванне і падтрыманне нацыянальнага наратыву, які аб’ядноўвае беларусаў у краіне і ў дыяспары;
- папулярызацыя ідэі беларускага грамадства як сучаснага, адкрытага, свабоднага, з моцнаю культурай і павагаю да чалавечай годнасці;
- стымуляванне грамадскай фантазіі пра агульны ідэал развіцця краіны – беларускую мару праз медыяпрадукты.
Інфармацыйная палітыка Прадстаўніцтва спалучае працу для дэканструкцыі прапаганды і імперскіх уплываў з актыўным стварэннем новых сэнсаў і вобразаў. Гэтая палітыка не толькі абараняе, але і будуе: нацыянальную медыясферу, вобраз Беларусі ў свеце і маральную аснову для агульнай будучыні.